Ae keni ditur se mund ta rritni performancën e veturës dhe t`i minimizoni shpenzimet e karburanteve thjeshtë me vetëm një modifikim të vogël në Kompjuterin e veturës.
Në botën e automobilizmit ky proces quhet Remap kurse në vendin tonë shprehja që e përdorim është CHIP.
Në vazhdim do ti gjeni detajet për këtë proces.
ECU - Engine Control Unit është kompjuteri i veturës që e kontrollon se si punon Motorri i makinës, ose më mirë ta quajmë "Truri i Makinës".
Shumica e veturave nga fabrika (prodhuesi) nuk dalin në gjendjen më efikase të mundshme, kjo ndodhë për arsye të ndryshme, duke filluar nga klima e ndryshme që mbizotëron nëpër shtete, kualiteti i derivateve, dhe deri tek ligjet e ndryshme që janë përpiluar për kujdesin ndaj ekologjisë.
Prodhuesit gjithashtu e limitojnë performancën e veturës për shkak që lejojnë hapësirë për modelin e ardhshëm të jetë më i shpejtë dhe më ekonomik, me vetëm një ndryshim të vogël në trurin e veturës (ECU). Gjithashtu i lejojnë mundësi brendit të tyre, që me ndryshime tejet të vogla ta rrisin koston e shitjes së makinës.
Rritja e performancës
Remap-i nënkupton ndërrimin e vlerave të matjeve dhe shtypjeve të lloj-llojshme që bëhen në ECU me një vlerë tjetër që programuesi e sheh të përshtatshme që vetura mund ta përballojë. Procesi i Remapit zakonisht zgjatë nga 30 minuta deri në 1 orë. Ndërrimi i vlerave bëhet me një software të vecantë, dhe me një kabllo OBD (që zakonisht e kemi parë gjatë diagnostifikimit të veturës tonë tek serviset e ndryshme)
Akselerimi i shpejtë dhe ulja e shpenzimeve të derivateve
Pasi që procesi i ndërrimit të vlerave të fabrikës të përfundojë, ju do ta vëreni që vetura juaj do të performojë më mirë. Zakonisht programuesit e veturave ja shtojnë motorrit performancën nga 25 deri ne 35 HP(PS). Kur kompjuteri i veturës kalibron të dhënat e reja, vetura fillon t`i përgjigjet më shpejt pedales së gazit, kjo e lehtëson procesin e tejkalimit të veturave, dhe ti si shofer menjëherë e sheh dallimin se ndërruesi i shpejtësive ka filluar të jetë më "sportiv".
Të gjithë mund të pyesim se si është e mundur që veturën ta shpejtojmë dhe shpenzimin e derivateve t`a minimizojmë. Përgjigjja e kësaj pyetje është shumë e thjeshtë. Nëse vetura jonë ka filluar që t`ju përgjigjet më shpejtë pedales së gazit, kjo nënkupton që karoserinë e veturës sonë do ta ketë më të lehtë që ta qojë përpara dhe motorri nuk do të ketë nevojë për shumë rrotullime.
Dëmtimi i motorrit
Dëmtimi i makinës ndodhë në raste shumë të ralla. Zakonisht nëse gjendja e makinës nuk është e mirë, programuesi sugjeron që mos t`ja ndërrojmë vlerat ECU sepse mund t`i afektojë komponentet tjera si: Turbon e veturës. Por kur vetura është në gjendjë perfekte programuesit ju japin garancion të gjatë!
Kohëve të fundit në vendin tonë ka filluar të bëhet e zakonshme Remapi i veturës. Me pak kërkim në internet mund ta gjeni programuesin tuaj!!!
Të gjitha të drejtat e rezervuara nga www.veturaneshitje.com