Bashkimi Evropian ka reaguar ndaj vendimin e Ministrisë së Infrastrukturës që të anulohet homologimi për veturat e reja të importuara. BE ka kërkuar shfuqizimi të aplikohet për të gjitha automjetet e importuara që përputhen me standardet e BE, përfshirë automjetet e dorës së dytë.
“Bashkimi Evropian mirëpret vendimin e Ministrisë së Infrastrukturës që të anulojë homologimin për automjete të reja të importuara të prodhuara për tregun e BE-së, si hapi i duhur për heqjen e barrierave për tregti që janë të dëmshme për konsumatorët e Kosovës. Ne presim që e njëjta qasje të zbatohet për të gjitha automjetet e importuara që përputhen me standardet e BE përfshirë automjetet e dorës së dytë”, shkruhet në reagimin e BE-së.
Një peticion të cilin e kemi shpërndarë edhe në faqën tonë në facebook.com/veturaneshitje është nënshkruar nga më shumë se 10 mijë qytetarë dhe është dorëzuar në Kuvend të Kosovës pak ditë para se të bjerë Qeveria.
Veturaneshitje.com do të vazhdojë të interesohet dhe t'i shtyej përpara iniciativat për përmirësimin e infrastrukturës se blerjes dhe shitjes së veturave në Republikën e Kosovës.