Autoritetet holandeze do ta kufizojnë shpejtësinë nëpër autostrada deri në 100km në orë gjatë ditës (60 milje në orë) për t’u përballur me krizën e ndotjes që së fundi shkaktoi protesta nga fermerët.
Qeveria po lufton që të ulë emetimet e azotit de amoniakut pasi një gjykatë konstatoi këtë vit se politika aktuale i shkelin ligjet e Bashkimit Evropian. Kufizimet e reja lidhur me shpejtësinë që do të prezantohen në vitin 2020 janë më të ulëtat në Evropë, së bashku me Qipron. Shpejtësia do të kufizohet në 100 kilometra në orë gjatë ditës, ndërsa gjatë natës do të tolerohet deri në 130 kilometra në orë.
“Askujt nuk i pëlqen kjo, por ishte një masë e domosdoshme për ta ulur ndotjen”, deklaroi kryeministri holandez, Mark Rutte në një konferencë për media. Ulja e shpejtësisë nëpër autostrada është hartuar me qëllim që edhe pjesa tjetër e shoqërisë të ndjejë përgjegjësinë dhe të sakrifikojë.