Një nga shprehitë më të këqija të vozitjes, njëkohësisht edhe e rrezikshme padyshim është mos mbajtja e distancës së nevojshme dhe qëndrimi shumë pranë veturës që është para jush, apo siç njihet në zhargonin popullo “me i qëndru në bisht veturës tjetër”.
Posedimi i këtij vesi, zakonisht e shqetëson vozitësin që ndodhet përpara ngase qëndrimi shumë afër i bën vazhdimisht presion dhe e bën shumë nervoz atë për shkak të mosgatishmërisë së vozitësit prapa që ta mbajë distancën e duhur. Padyshim shqetësimi është i drejtë dhe kjo nuk duhet të ndodhë ngase në rast të frenimit të shpejtë e të papritur nga vetura që është përpara, goditja nfa vetura prapa dhe aksidenti do të jetë i paevitueshëm.
Mbajtja e distancës dhe evitimi i këtij vesi është tepër i nevojshëm sepse distanca minimale mes dy veturave duhet të jetë të paktën dy sekonda.