Rruga e Kombit/ Ja sa do të jetë tarifa për automjetet nisur nga 2017

Rruga e Kombit/ Ja sa do të jetë tarifa për automjetet nisur nga 2017

 

Brenda 2017 në rrugën e kombit do të nisë pagesa e taksës për qytetarët. Pas miratimit të marrëveshjes në qeveri mësohet se fillimi i koncesionit kërkon një periudhë përgatitore nga 6 muaj deri në 1 vit , ku duhet të vendosen sistemet dhe pikat e pagesave, që më pas do të marrin edhe certifikimin nga Ministria e Transportit.

Në bazë të kontratës përcaktohet se pagesa do të jetë në euro dhe për automjetet e vogla tarifa parashikohet 5 euro ndërsa për autobusët 10 euro dhe kamionët 15 euro. Konçesionari ka detyrimin që të mirëmbajë rrugën e Kombit për 30 vite duke nisur nga 2017.

Parashikohet ndër të tjera edhe vendosja e gardhit rrethues në segmentet ku ka 2 korsi, ndriçim në të gjithë kryqëzimet dhe përmirësim të gjithë hyrje daljeve.Konçesionari CATALYST dhe Salillari kanë si detyrim edhe ndërtimin e disa urave një në Kukës për këmbësorët si dhe një mbi lumin Drin.

Ministria e Transportit ka vendosur ndër të tjera një skemë kompensimi për banorët në nevojë në Bashkinë e Kuksit, dhe në bashkitë e tjera ku kalon ky segment për të cilën parashikohet një fond prej 120 mijë eurosh ne vit.

Ndërkohë që ka edhe disa kategori që nuk do të paguajnë tarifë për të kaluar në Rrugën e Kombit si ushtria,autoambulancat, policia dhe zjarrfikëset.

Në kontratë, është vendosur ndër të tjera që koncesionari do të subvencionohet nga buxheti I shtetit për 13 vite me rreth 65 milion euro për mungesën e trafikut. 

 

Image result for rruga e kombit

Komentet e vizitorëve