Lexus ka zbuluar modelin e ri të sedanit i cili do të quhet GS F.
Kjo kompani do ta prezantojë veturën e re edhe në panairin e automjete në Detroit, ndërsa do të dalë në shitje më vonë gjatë vitit si model i vitit 2016.
Lexus së fundmi njoftoi se shumë shpejt do të shfaqë veturën për rrugë normale dhe që do të llogaritej si pasardhës i modelit RC F.
Fuqia në veturën GS F vjen nga motori 5.0 l V-8 që gjendet edhe te RC F dhe llogaritet se mund të arrijë 467 KF.
GS F do ta ketë të vështirë tu bëjë ballë rivalëve BMW M5 dhe Mercedes-Benz E63 AMG, të cilët kanë rreth 100 KF më shumë sesa modeli i firmës japoneze.
Detajet tjera të ‘2016 Lexus GS F’ do të bëhen publike gjatë debutimit të veturës në panairin e veturave që do të hapet javën e ardhshme në Detroit. /Koha
