Një mënyrë e mirë për të mos shpenzuar shumë gjatë blerjes së veturës dhe pa pasur nevojë të shkoni dhe të negocioni me shitësit është ta prisni momentin e duhur me ofertat e duhura.
Kur veturat nuk shiten sipas planit të prodhuesve, apo synojnë ta përmbyllin një cikël me vetura të caktuara për të kaluar në prodhimin e modeleve tjera, kompanitë ofrojnë mundësi të blerjes së veturës me këste dhe 0% interes apo ofrojnë ndonjë zbritje të madhe me qëllim që t’i rrisin shitjet.
Blerja me këste dhe 0% interes konsiderohet si blerja më e mirë për shkak që ju nuk i shpenzoni të gjitha paratë përnjëherë në blerjen e veturës dhe nuk harxhoni më shumë para duke paguar me kamatë më shumë se sa çmimi i makinës. Gjithsesi edhe ofertat e veçanta me ulje çmimesh (të cilat nuk ofrohen me këste) janë një mundësi e mirë sepse ju mund ta blini veturën më lirë se sa çmimi real i saj. Të dyja llojet e ofertave mund t’i gjeni vetëm për vetura të reja.