Një nga gjërat më të vështira për t’u mësuar në auto shkollë padyshim është parkimi. Kështu përgjigjen shumë nga njerëzit kur pyeten se cila ka qenë gjëja më e vështirë për t’u mësuar.
Sado i durueshëm dhe i aftë të ketë qenë instruktori, megjithatë shumë vozitës hutohen dhe ju duhet mjaft kohë për ta ndalur veturën në vendin e duhur pa e grithur atë.
Ja dy gjëra esenciale që do t’ju ndihmojnë në këtë aspekt. Krahasojeni fundin e parkingut me fundin e pasqyres suaj anësore dhe kështu distanca mes fundit të parkingut dhe veturës suaj do të jetë minimale dhe e duhur. Po ashtu mund ta vendosni edhe një shirit me ngjyrë në fundin e veturës suaj dhe e tëra që duhet të bëni është që ta krahasoni pastaj si në foton e mëposhtme shiritin me fundin e parkingut.
Gjithsesi, ushtroni ngadalë dhe fillimisht kur të mendoni se jeni parkuar mirë, dilni nga makina dhe kontrollojeni edhe fizikisht, në mënyrë që ta mësoni krahasimin e shikimit të fundit të pasqyrës me fundin e parkingut dhe kështu pas disa herësh shpresojmë se nuk do ta keni më problem këtë gjë.