Dimri mund të jetë shumë i mundimshëm për disa prej vozitësve. Pastrimi i xhamit nga ndonjë pjesë akulli jashtë mund të mos jetë asgjë në krahasim me mjegullimin e xhamit nga ana e brendshme, që e pengon pamjen tuaj. Si të merrni rrugë në këtë gjendje?
Pastrimi i xhamit të mjegullt nuk është aq i thjeshtë që vetëm ta lëshosh nxemjen e makinës. Mbajtja e xhamit pastër ka të bëjë me balancimin mes ngrohtësisë dhe lagështisë brenda makinës suaj me ajrin e thatë e të ftohtë jashtë makinës. Përderisa nuk thahet ajri brenda, xhamat tuaj do të mbeten të mjegulluar.
Ja pesë hapa të thjesthë për ta mbajtur të pastër xhamin tuaj:
- Sigurohuni që xhami juaj të i pastër nga brenda
Papastërtia në pjesën e brendshme e bën atë që të mjegullohet. Përdorni një pastrues të mirë xhami për të hequr çdo papastërti që mund të jetë mbledhur në xhamin tuaj.
- Ngrohni motorin
Mos e lëshoni menjëherë ngrohjen e makinës (defroster) për t’i shkrirë xhamat. Jepni disa minuta kohë sistemit të ngrohjes që të punojë mirë. Temperatura e kanalit të ajrit duhet të arrijë në rreth 130 gradë para se mekanizmi i ngrohjes të jetë efektiv.
- Ulni nivelin e lagështisë
Mjegullimi i xhamave ndodh kur ajri i ngrohtë dhe i lagësht brenda makinës ndeshet me ajrin e ftohtë jashtë xhamit tuaj. Çizmet me borë, dorëzat e lagura, kafeja qe e merrni me vete në veturë dhe madje edhe frymëmarrja juaj krijojnë lagështi në makinën tuaj. Nëse palltoja apo dorëzat tuaja lagen gjatë pastrimit të veturës, atëherë është më mire që para se të niseni me makinë, t’i fusni ato në bagazh.
- Lëshojeni nxemjen në maksimum
Në mot të ligë (me shi që ngrihet, borë apo temperatura shumë të ulëta), lshojeni nxemjen (pasi të keni pritur disa minuta kuptohet) ngase ju duhet të mbuloni 90 përqind të xhamit me ajër, në mënyrë që sistemi i ngrohjes së makinës (defroster) të funksionojë në mënyrë efektive.
- Mos e riqarkulloni ajrin: Sigurohuni që të fusni ajër të pastër nga jashtë makinës (nëse po bie borë, pastroni kanalet e ventilimit para se të niseni) duke fikur butonin e riqarkullimit të ajrit. Nëse jeni duke e riqarkulluar ajrin, i bie që ju thjeshtë po riqarkulloni frymën tuaj dhe lagështia nuk do të hiqet.
