Ndonjëherë kur moti është i keq, veçanërisht gjatë dimrit, edhe udhëtimet e shkurtra mund të zgjasin me orë të tëra, andaj është mirë që ta përgatisni veten dhe veturën tuaj për udhëtim më të gjatë se sa prisni.
Kjo nënkupton të keni sasi të mjaftueshme të derivateve dhe ta keni edhe çantën e emergjencës në veturë.
Një çantë emergjence duhet të ketë ushqime me proteina të larta të cilat nuk prishen, ujë, dorëza të ngrohta, dorëza pune, batanije, lopatë, dritë emergjente apo sinjalizues dhe gjithsesi kutinë e ndihmës së parë. Kjo e fundit është mirë që gjithmonë të gjendet në veturën tuaj, jo vetëm gjatë dimrit, por meqë rreziqet janë më të mëdha gjatë dimrit, është e pa pranueshme që mos ta keni në veturë kutinë e ndihmës së parë.
Po ashtu, mbajtja e një kartoni në pjesën e prapme të veturës të cilin mund ta përdorni për ta shtruar në rast të ndonjë prishjeje apo vendosjes së zinxhirëve në goma. Kështu do t’i kurseni gjunjët tuaj nga dhimbja e uljes në tokë dhe njëkohësisht të mos i zhysni rrobat.