Gjatë shitjes së veturës, ju mund të bëni gabime në mënyra të ndryshme të cilat mund t’ju kushtojnë me humbje parash qoftë nëse ia shisni veturës ndonjë shitësi privat, qoftë ndonjë kompanie.
Ju mund të investoni shumë para për ta rregulluar makinën para se ta shisni, ju mund të humbni para duke menduar se makina juaj është më e mirë se të gjitha makinat tjera. Si rrjedhojë të mos mund ta shisni për shkak të çmimit të lartë, ndërkohë që makinës suaj vazhdimisht i bie vlera si shkak i mosshitjes. Ju po ashtu mund të humbni mjaft para duke mos ditur se sa t’ia vendosni çmimin makinës suaj dhe si të negocioni, apo ju mund ta vendosni në rrezik veten dhe informacionet personale duke mos i marrë masat e duhura. Pranimi i ofertës së parë, mos leximi i kontratës së shitjes, mos konsiderimi i ndërrimit të veturës, ndikimi nga presioni i blerësit janë vetëm disa nga gabimet tjera i bëjmë gjatë shitjes së veturës.
Ndërsa në vazhdim po i listojmë edhe disa gabime që i bëjnë shitësit, por që duhet kushtuar rëndësi:
Mos reklamimi në internet (në ueb faqe të veturave dhe rrjete sociale)
Shitësit e mençur e të suksesshëm janë ata që tashmë janë ambientuar me mënyrat e reja të shitjes së veturave duke kaluar nga mënyra klasike e daljes në treg të veturave, tek shitja e tyre përmes ueb faqeve të specializara për shitjen e veturave apo rrjeteve sociale. E gjithë kjo është pa pagesë, ose mund të ketë fare pak kosto nëse dëshironi që ta veçoni shpalljen dhe veturën tuaj për të rënë më shumë në sy të blerësve potencialë, siç mund të veproni edhe në faqen veturaneshitje.com (qoftë duke e publikuar veturën falas, qoftë duke reklamuar me çmime shumë të arsyeshme).
Mos përgjigja ose vonesa e kthimit të mesazheve ndaj të interesuarve
Përderisa e keni nxjerrë në shitje veturën tuaj, ju duhet të jeni i vëmendshëm dhe i kujdesshëm për t’iu përgjigjur telefonatave apo mesazheve të të interesuarve. Shumë prej tyre edhe mund vetëm të pyesin, madje edhe pyetje që juve ju duken të pakuptimta, por nëse nuk përgjigjeni nuk do të leni përshtypje të mirë dhe do t’i ulni gjasat e shitjes së veturës. Andaj mos përtoni, kushtoni vëmendje dhe kujdesuni që t’u përgjigjeni dhe atë me kohë pyetjeve të të interesuarve,
Reklamimi me informata jo të plota, të gabuara apo të pasakta të veturës suaj
Duke menduar se mjafton vetëm publikimi i fotografive të veturës, disa shitës nuk japin informata të mjaftueshme për veturën e tyre. Disa të tjerë, nga pakujdesi dhe përtesa për të hulumtuar në internet për informatat e veturës me qëllim të publikimit, japin vetëm informata që i dinë nga vetja e të cilat mund të mos jenë të mjaftueshme. Apo duke u ngutur për t’i gjetur informatat e veturës suaj, mund t’i gjeni dhe publikoni informatat e gabuara. Këto gjëra padyshim ndikojnë në seriozitetin dhe pakësimin e gjasave për ta shitur veturën tuaj.
Mos fotografimi dhe mos reklamimi i garancionit të veturës
Garancioni i veturës suaj është një plus i madh që çdo blerësi do t’i pëlqente dhe do t’i jepte siguri për ta blerë një veturë. Andaj nëse e keni një të tillë, sigurohuni që ta publikoni edhe atë bashkë me fotografitë dhe informatat e veturës suaj.
Mos fotografimi dhe mos reklamimi i librit të servisit
Edhe libri i servisit është një prej gjërave shumë të rëndësishme për ta publikuar që ndikon shumë pozitivisht për të krijuar besueshmëri tek blerësi. Andaj publikimi i librit të servisit është shumë i rëndësishëm dhe i shton gjasat i shitjes së veturës suaj.
Ndërsa edhe disa gjëra të tjera ndikojnë negativisht si:
- Gënjimi dhe dhënia e informatave të rrejshme për veturën tuaj
- Gënjimi dhe mos tregimi i aksidenteve të kaluara të veturës
- Reklamimi me foto që këqija ku vetura nuk shihet mirë (foto të turbullta, të vogla dhe kualitet të dobët)
- Mos pastrimi e veturës brenda dhe jashtë
- Takimi i blerësit në lokacion jo të sigurt
- Lënia e blerësit potencial që ta vozisë i vetëm veturën
- Mos lejimi i kontrollimit të veturës tek mekaniku
- Mos kontrollimi i parave të marra nga blerësi
- Mos kompletimi i dokumenteve