Mund ta kuptojmë se jeni vozitës i mirë dhe i kujdesshëm, megjithatë gjithmonë duhet pasur kujdes që të mos vozisni në këndin e vdekur të veturave tjera sepse ka shumë njerëz që nuk e shikojnë fare këndin e vdekur.
Ata e injorojnë plotësisht rregullin e këndit të vdekur dhe i ndryshojnë korsitë pa shikuar fare në këndin e vdekur dhe pa menduar se po i rrezikojnë të tjerët. Andaj gjëja më e mirë që mund ta bëni për sigurinë tuaj është që nëse e gjeni veten tuaj në një pozicion të rrezikshëm, atëherë duhet të largohuni nga ai pozicion.
Një pozicion i rrezikshëm është kur ju jeni duke vozitur në krahun e djathtë të një veture tjetër dhe ndodheni vetëm pak prapa asaj veture, ndërsa në këtë rast vozitësi i asaj veture nuk ju sheh ngase jeni në këndin e vdekur të tij.
Ju mund të shpejtoni pak që të barazoheni apo ta tejkaloni në mënyrë që ai t’ju shohë, apo në të kundërtën nëse nuk mund ta bëni këtë, atëherë uleni shpejtësinë që të mbeteni më prapa tij për t’ju parë në pasqyre e për t’i ikur këndit të vdekur.