A ju tmerron fakti se duhet të vozisni në kushte të këqija atmosferike me shumë shi, borë apo akull? Atëherë është mirë që të dilni dhe të ushtroni ngase sado ide e çmendur që mund t’ju duket, ajo mund të jetë mënyra më e mirë për t’u mësuar të vozisni në kushte të këqija atmosferike.
Dalja në këto kushte për t’u ushtruar është shumë e dobishme ngase ju përgatitë për situatat kur patjetër do t’ju duhet të vozisni në mot të keq. Ushtrimi i ka përparësitë e veta ngase ju mundëson që të mësoni se si funksionon frenimi në shpejtësi të ndryshme dhe pastaj do të jeni në gjendje që të gjykoni më mirë se kur dhe sa duhet të frenoni varësisht nga shpejtësia dhe trafiku për ta mbajtur distancën e duhur.
Kështu do ta largoni frikën, do të fitoni vetëbesim dhe do të përshtateni shumë lehtë me mënyrën e vozitjes me kushte të këqija atmosferike kur të jetë e nevojshme të vozisni në ato kushte.