Pas pandemisë , BREXIT është një tjetër problem për industrinë e automobilave

Evropa ende po përballet me pandeminë Covid-19 dhe largimin e masave për t’iu rikthyer gradualisht normalitetit, ndërsa prodhuesit e automjeteve po luftojnë për mbijetesë si shkak i krizës së shkaktuar nga kjo pandemi.

Por ky nuk rreziku i vetëm i industrisë së automjeteve. Edhe pas tejkalimit të Covid-19, një tjetër rrezik që i kanoset kësaj industrie është dalja e Britanisë së Madhe nga Bashkimi Evropian pa marrëveshje me këtë të fundit.

Britania që kontribuon në buxhetin e Bashkimit Evropian me rreth 9 milionë funte në vit, më 2016 pati votuar në referendum për daljen nga BE, por që deri në fund të 2020 duhet të arrijë një marrëveshje me këtë të fundit lidhur me mënyrat e bashkëpunimit dhe tregtisë.

Vendet e BE-së e kanë një treg të unifikuar mes vete pa taksa të importit dhe dalja e Britanisë nga ky treg do të shkaktojë probleme. Andaj mes të dyja palëve duhet arritur një marrëveshje, ose në të kundërtën, më mungesë të marrëveshjes, tregtia mes Britanisë së madhe dhe BE-së do t’i nënshtrohej rregullave të Organizatës Botërore të Tregtisë e cila ka 162 anëtarë. Ndërsa mallrat britanike drejt BE do t’i nënshtroheshin tarifave të kësaj organizate, gjë që nuk është aspak e favorshme për Britaninë. Por në të njëjtën kohë, kjo situatë është e dëmshme edhe për sektorin e automobilave, sepse Britania do ta humbte vendin e garantuar në tregun e përbashkët evropian të automobilave.

Kjo situatë ka shqetësuar edhe Shoqatën Evropiane të Prodhuesve të Automjeteve (ACEA).

“Sapo kriza e pandemisë të përfundojë, është në interesin e Evropës që sektori i automobilave jo vetëm të stabilizohet, por edhe të kontribuojë në rimëkëmbjen e ekonomisë evropiane, në inovacion si dhe në ‘Marrëveshjen e gjelbër ”, thuhet në njoftimin e ACEA.