BMW X6 Falcon [FOTO]

Kompania e njohur e cila merret me modifikimin e veturave, AC Schnitzer, ka përgatitur paketën e quajtur “Falcon” për modifikimin e modelit të BMW-së, X6 (F16).

BMW X6 me këtë paketë vizitorët patën mundësi që ta shohin edhe në nëntor të vitit të kaluar në panairin e veturave të modifikuara në Essen, ndërsa këtë javë do të prezantohet edhe në panairin e veturave në Gjenevë, por tani do të prezantohet me eksterier me ngjyrë të kuqe të theksuar. 

Paketa “Falcon” për modelin X6 në këtë rast, ndër të tjera, përfshinë sistemin sportiv AC Schnitzer të shkarkimit të gazrave, amortizatorët sportiv, tani vetura përpara është më e ulët për 15 milimetra ndërsa në pjesën e pasme për 20 mm.

Në këtë paketën përfshihen edhe seti i rrotave AC1 prej alumini me diametër prej 20 deri 22-inç, emblema AC Schnitzer, aerodinamikën AC 
Schnitzer, duke filluar nga mbrojtësit anësorë më të gjerë, mbrojtësit tjerë të rinj, pragjet, spoiler dhe difuzer të pasmë.

Gjithashtu në këtë përfshihen edhe disa detaje për interier, duke filluar nga pedalet sportive, tepihët etj., si dhe përforcimi i motorit.