Aksident i rëndë në autostradë (Foto)

Një aksident i rëndë komunikacioni ka ndodhur para pak çastesh në autostradën “Ibrahim Rugova”, në pjesën afër Malishevës.

(I plotësuar) Policia ka konfirmuar aksidentin, dhe ka bërë të ditur se bëhet fjalë për dy vetura të përfshira në aksident, ku janë lënduar dy vozitësit dhe katër pasagjerë.

“Dy vetura janë aksidentuar në autostradë, diku rreth në kilometrin e 55-të në drejtim të Prizrenit. Në këtë aksident kanë pësuar lëndime trupore gjashtë persona. Njëri nga vozitësit ka marrë lëndime të rënda”, ka thënë zëdhënësi i policisë Daut Hoxha.

Të lënduarit janë dërguar për tretman mjekësor, ndërsa Policia është në vendin e ngjarjes duke hetuar shkaqet e aksidentit.

Një qytetar ka dërguar KALLXO.com fotografi nga ky aksident.

Në këtë aksident janë të përfshira dy vetura.

Nga fotografitë e dërguara nga qytetari shihet një motor i njërës veturë i shkëputur tërësisht dhe që qëndron në mes të autostradës.

Policinë e Kosovës e kontaktuar për këtë aksidenti, ka thënë se ende nuk kanë informacione.