Kompania e njohur e cila merret me modifikimin e veturave, Prior Design, edhe më herët kishte njoftuar detajet për pakon e saj “PD800 GT” për modelin Mercedes-AMG GT S, e ndërkohë janë shfaqur edhe setet e fotove të reja të bëra në Monaco.
Kjo paketë për aerodinamikën e këtij modeli, është krijuar ashtu që kjo veturë me dy ulëse të duket më agresive e kështu e bëjnë spoileri i përparmë, vrimat për ajër, set pragjesh, zgjerimi mbrojtësve anësorë, kapaku i zbukuruar i motorit, difuzer i pasmë si dhe spoileri i pasmë.
Në pako janë po ashtu rrotat Vossen VPS-307, si dhe pjesët anësore të dekoruara.
Sa i përket motorit, Mercedes-AMG GT S ka motorin 4.0-litër V8 Twin-Turbo për të cilin nuk dihet nëse është përforcuar (fabrikisht ka 510 kuaj fuqi, gjë që mjafton që shpejtësinë nga 0 deri në 100 kilometra ta arrijë për 3,8 sekonda dhe atë maksimale deri në 310 km/h).
