Për ta ngarë atë i pari, erdhi shefi ekzekutiv i Opel, Dr. Karl-Thomas Neumann. Në fillim të vitit Opel kishte prezantuar modelin e ri Mokka X i cili pas shtatë muajve ka nxjerr veturën e parë nga linja e prodhimit në Zaragoza, Spanjë, transmeton Express. Veturën e parë të këtij modeli e ngau shefi ekzekutiv i Opel, Dr. Karl-Thomas Neumann i cili u takua me punëtorët e fabrikës dhe zyrtarët lokal të Zaragozës.
Divizioni Evropian i GM, Opel është punëdhënësi më i madh në rajonin e Aragonit në Spanjë. Po ashtu Opel është lider sa i përket shitjes së veturave të reja në Spanjë me 8.46% të veturave të reja që shiten në këtë shtet. Opel ka shitur 62,000 vetura të reja në Spanjë në gjysmën e parë të këtij viti, ndërsa në Evropë deri me tani ka shitur rreth 600,000 vetura të modelit Mokka.
