Gjatë procesit të testimit, fotografohet Lamborghni Aventador i ri

Në pistën e testimit në Nurgburgring të Gjermanisë, është fotografuar Aventadori i ri teksa bënte xhiro me mbështjellësin kamuflazh.
Modeli i ri, për dallim nga ai i prodhuar më 2011, ka pësuar disa ndryshime, që ia kanë bërë pamjen më agresive, transmeton Telegrafi.

Prodhuesi italian është kujdesur që këtë makinë ta zgjasë dhe t’ia bëjë disa lakesa në pjesët anësore, kurse kapaku i është fryrë në masë të madhe. Me këtë veprim dyshohet se do t’i shtohen rreth 20-40 kuajfuqi këtij modeli.

Megjithatë, nuk dihet se çfarë motori do të ketë, vetëm se V12 nuk do të largohet.

Supermakina nga Lamborghini që lansohet më 2020, pritet të jetë shumë e fuqishme dhe e shpejtë.