Në shumë organizime për automobilizëm që u mbajtën në vitin 2014, përpos veturave të pëlqyera dhe atyre befasuese, nuk kanë munguar as ato që njerëzit menjëherë i kanë vënë titullin “të shëmtuara”.
Më poshtë ju sjellim tri veturat që për vitin që po lëmë pas po cilësohen si ndër më të shëmtuarat, raporton USA Today.
Vetura e re e Toyotas është cilësuar si veturë “joshërbyese” për shkak se ajo brenda mund të akomodojë vetëm një person. Madhësia e vogël e saj ka bërë që njerëzit të nisin shakatë se “me të nuk mund të bartësh as gjëra ushqimore”.
Kjo makinë që ka formën katrore në Japoni ka pasur sukses të madh. Rrotat dhe motori i vogël që bartin një makinë me hapësirë të madhe e ka shndërruar këtë veturë ndër më të famshmet. Mirëpo, dizajni nuk ishte i qëlluar.
Vetura franceze që u krijua nga Nissani u shpalos në Delhi në Indi, por cilësohet si veturë e krijuar “gabimisht”, sepse ajo si veçori për t’u përmendur ka vetëm mundësinë e lansimit të dronit. Këtë Renault KWID e ka krijuar për shoferët që në rast të rrugëve të bllokuara të lansojë dronin nga tavani i veturës për të parë rrugë të ngushta për t’i mundësuar të lëvizin më shpejtë. /Koha