MERCEDES E63 AMG I RI ME SISTEM 4MATIC

Sipas njoftimeve më të fundit, gjenerata e ardhshme e modelit Mercedes-AMG E63 do të mund të ofrohet ekskluzivisht me sistemin për lëvizje me të gjitha rrotat.

Informata e fundit, që është më shumë se vetëm një spekulim, vërtetohet edhe në njoftimin e kreut të departamentit të AMG-së, Tobias Moers, i cili tha se gjenerata e ardhshme e E63 do të mund të ofrohet vetëm me sistemin 4MATIC.

Ky model do të posedojë motorin 4.0-litërsh Twin-Turbo V8. Tani për tani nuk dihet fuqia e motorit, por Moers ka thënë se ky motor ofron mjaft hapësirë për më shumë fuqi sesa siç është rasti tek modeli C63, transmeton Koha.net. Të kujtojmë se ky motor është me kapacitet prej 476 kuaj fuqi në versionin C63 ndërsa versioni C63 S është me kapacitet prej 510 kuaj fuqi.

Janë disa arsye pse kompania Mercedes ka vendosur për versionin me sistem 4MATIC dhe, sigurisht, ajo që është më e rëndësishmja, është popullariteti i veturave me këtë lloj sistemi për lëvizje. //rtklive.com