BMW, rreth 500,000 vetura me defekte

Kompania gjigande gjermane BMW ka lëshuar një tërheqje për rreth 500,000 vetura që mendohen të jenë me defekte. Defekti besohet se është në një nga vidhat e motorave 6-cilindrik, që mund të çojë në shuajtjen e makinës.

Modelet e makinave të përfshira në këtë tërheqje janë makinat ‘1 Series’, ‘3 Series’, ‘5 Series’, ‘X3′, ‘X5′, ‘X6′, dhe ‘Z4′, të prodhuara nga viti 2010 deri në 2012, bashkë me ‘6 Series’ e 2012-s.

“Në disa raste të ralla, vidhat që mbajnë bashkë disa pjesë të motorit brenda mund të zhvidhosen, ose në raste ekstreme, mund të thyhen,” ka thënë kompania gjermane. Një folës i BMW-së ka thënë për The New York Times se kompania nuk është në djeni për ndonjë aksident, apo vdekje për shkak të këtij problemi.

Kjo tërheqje e BMW-së vjen pas shumë defekteve që shumë kompani të tjera automjetesh kanë pasur gjithashtu. Toyota së fundi ka pasur një problem me rreth 6.4 miliona makina, të cilat kishin probleme të shumta. Edhe ‘General Motors’ pati probleme me rreth 2.6 miliona makina, ku 13 persona humbën jetën për shkak të defekteve me motorinon./TechSot.Al/