Historia qesharake e një kampanje marketingu e Fiat


Historia qesharake e një kampanje marketingu e Fiat

Në vitin 1994, si pjesë e një fushate marketingu, marka e veturave italiane Fiat, në vend të një reklame ose ndonjë formë tjetër të marketingut, dërgoi 50,000 letra dashurie anonime për femrat e reja në Spanjë.

Në këto letra shënonte: "Unë vetëm dua të jem me ty për disa minuta dhe, edhe nëse nuk funksionon asgjë në mes nesh, unë të premtoj se këtë pëvvojë nuk do ta harrojmë".

 

Problemi me këtë kampanjë ishte se të gjitha letrat u dërguan në mënyrë anonime. Fiat po planifikonte të dërgonte një letër të dytë disa ditë më vonë.

Letra e dytë do përmbante një shpjegim se kush ishte ‘personi’ që e kishte dërguar letrën, dmth Fiat, dhe kërkesa e ‘përvojës që nuk do të harrohej’ ishte për test drive!

Mirëpo, Fiat nuk e kishte menduar si duhet këtë kampanjë, pasi që pas marrjes së letrës së parë, shumica e femrave ishin frikësuar duke menduar se ajo po dërgohej nga dikush që I monitoronte vazhdimisht, dhe për këtë shumë nga to e lajmëruan rastin në polici!

Fiat kërkoi falje dhe ndaloi fushatën. Më vonë Fiat u gjobit me 15,000 pesetas spanjolle për dërgimin e letrave dhe gjithashtu u urdhërua të paguante 140,000 peseta për një grua që e kishte dërguar çështjen në gjykatë.

Fushata u dëmtua dhe në vend të kuriozitetit u përhap paniku dhe frika në mesin e grave.

Shpërndaje: