Audi RS7 rikthehet me më shumë fuqi si dhe me një motor Hibrid.
Audi RS7 2020 është gjenerata e dytë nga modeli i 7-të i Audis dhe hynë në kategorinë e veturave Kupe me 4 dyer. Bazuar në modelin e fundit të A7, RS 7 është shumë më agresivë në pamjen e jashtme, është i pajisur me të gjitha teknologjitë e fundit si dhe vjen me një fuqi të paparë më herët. Si zakonisht në modelet RS edhe ky model vjen me motorr 4.0 Litra V8 që arrin 0 - 100 kmh për 3.6 sekonda si dhe një sistem 48 volt që shërben për shpenzime minimale të derivateve. Modeli RS 7 vjen në kohën më të mirë për t`ju bërë rivalitet modeleve tjera si Mercedes Amg Gt si dhe Bmw M8.
Audi RS 7 2020 vjen me një transmision Automatik me 8 shpejtësi i ngjashëm me transmisionin e mëhershëm të modeleve RS. Një opsion shtesë tejet interesant në këtë model është deaktivizimi i fuqisë maksimale. Më herët e përmendëm një sistem të ri 48 voltësh, por cka nënkupton ky sistem?
Nëse jeni të interesuar që ta vozitni veturën pa lëshuar zhurmë dhe të jeni sa më ekonomik modeli RS 7 është i dizajnuar për ju. Sistemi 48 voltësh mundëson që motorri V8 të punojë vetëm me 6 klipa dhe njëkohësisht lëshohet edhe sistemi me rrymë (48 volt). Ky sistem bën ndryshime edhe në fuqinë tërheqëse të veturës, në akset frontale vetura e shfrytëzon 85 % të fuqisë kurse në akset mbrapa 15 %. Mirëpo në atë moment që e shtypni pedalen e gazit deri në fund RS 7 bëhet bishë e vërtetë dhe gjeneron fuqinë maksimale (600 HP), si dhe aktivizohet sistemi Quattro që është shumë i njohur në botën e automobilizmit si një opsion që të jep siguri, adrenalinë, dhe komoditet maksimal.
Për dallim nga brendet e Mercedes dhe Bmw, Audi e ka lansuar modelin RS 7 me cmim më të lirë se oponentët (Amg GT, dhe Bmw M8). Çmimi fillestar për këtë model fillon nga 107.000 Euro.
Të gjitha të drejtat e rezervuara nga www.veturaneshitje.com