Nissan GTR modeli i 2020 vjen me ndryshime në shasi dhe transmision
Modeli i ri (2020) i GTR tani mund të porositet në tregun e Britanisë së madhe me cmim fillestar prej 83.000 funteve.Në krahasim me modelin e kaluar këtë vit Nissan ka bërë ngritje të cmimit për shkak se vetura ka ndryshime në performancë, eskterier dhe në akselerim.
Gjenerata R35 me 562 Hp me motorr V6 3.8 Litër tani është pajisur me set të ri të turbinave, që është menduar të jetë më i shpejtë dhe të jetë deri në 5% më ekonomik. Inxhinierët e Nissan kanë pohuar se edhe transmisioni i ri i ndërron shpejtësitë 0.15 sekonda më shpejtë se modelet e kaluara.
Tubat dalëse (auspuhët) tani janë ri-konfiguruar dhe ofrojnë akses më të përshtatshëm që turbinat të lirojnë ajrin më shumë dhe më shpejtë.Gjithashtu sistemi elektrik i amortizimit tani është shumë më stabil kur bëjmë vozitje nëpër kthesa të ndryshme. Nissan thotë se deri në shpejtësinë 242 kmh modeli i ri është i dizajnuar që t`i përshtatet cfarëdo kushti klimatik ose gjendjes rrugore, kjo bëhet falë sistemit tejet të avancuar të amortizimit.
Frenimi sikur komponentet tjera është përditësuar në këtë model, tani me më pak prekje të pedales, vetura do të frenojë më shumë.
Nissan GTR 2020 vjen edhe me ngjyrën, Bayside Blue që është bërë shumë e njohur nga modelet paraprake si dhe me fellne 20 inch.
Çmimet variojnë nga 83.000 funte modeli bazë, pastaj vjen modeli 99.995 funte i destinuar për pista - Track Edition, si dhe modeli me disqe për frenim të modeleve të fundit të aluminit me një shtesë prej afro 7.000 funteve.
Të gjitha të drejtat e rezervuara nga www.veturaneshitje.com