Fiat Chrysler Automobiles (FCA) dhe pronari i Peugeot, ‘PSA’, planifikojnë të bashkojnë forcat në një bashkim aksionesh (50-50) për të krijuar auto kompaninë e katërt më të madhe në botë. Ky bashkim synohet të bëhet për të përballuar koston e lartë të teknologjive të reja dhe uljes së kërkesës në tregun global.
Ndërkohë 5 muaj më parë, Fiat Chrysler Automobiles ishte në bisedime të ngjashme me kompaninë tjetër franceze ‘Renault’ por ato dështuan. Bisedimet e tanishme mes Fiat Chrysler Automobiles dhe Peugeot vien si shkak i rënies në tregjet e tyre dhe investimeve të mëdha në automjetet elektrike dhe vetë-drejtuese.
Fiat do të merrte qasje në platformat më moderne të automjeteve të Peugeot, duke e ndihmuar atë të përmbushë rregullat e reja mjaft të ashpra të emetimeve, ndërsa Peugeot e përqendruar në Evropë do të përfitonte nga biznesi fitimprurës i Fiat në SH.B.A që përfshin brende të tilla si Ram dhe Jeep.
Çfarë mendoni ju, a mund të krijojnë këto dy kompani së bashku një super automjet? Shkruani mendimin tuaj në komente!