Google shton aplikacionin Android Auto në Adnroid 10

Së fundi Google e ka integruar aplikacionin Android Auto në sistemin operativ Android 10. Google pati premtuar se do të lëshonte një aplikacion të ri të pavarur të Android Auto veçanërisht për përdoruesit e Android 10, dhe ai aplikacion më në fund u shtua në Play Store.

Android Auto mundëson që ta përdorni Google assistant për t’u lidhur me navigacion, për të bërë dhe pranuar telefonata, të shkruani mesazhe, t’i shikoni njoftimet. Ju po ashtu mund ta përdorni bloutooth-in për ta lidhur telefonin tuaj me ekranin e veturës suaj.  Sapo ta shkarkoni aplikacionin dhe ta lidhni telefonin tuaj përmes kabllos për USB në ekranin e veturës, menjëherë shfaqet aplikacioni Android Auto i cili do të kërkojë të ketë qasje në njoftimet e telefonit, thirrjet, mesazhet, lokacionin etj.. Sapo t’i jepni qasje aplikacionit në këto kërkesa, ju do të mund ta përdorni atë në veturë për të gjitha këto funksione pa pasur nevojë ta mbani telefonin në dorë gjatë vozitjes së veturës.