Shefi i Komisionit Evropian: Trump nuk do të vendosë tarifa për automjetet nga BE

Presidenti i Komisionit Evropian në largim, Jean-Claude Juncker nuk beson se Presidenti i SH.B.A, Donald Trump do të vendosë tarifa për makinat e importuara nga Evropa, citon Sueddeutsche Zeitung.

"Trump do të bëjë disa kritika, por nuk do të vendosë tarifa, ai nuk do ta bëjë këtë", deklaroi Junker për Sueddeutsche. Ndërkohë Departamenti i Tregtisë së SH.B.A nuk pranoi të komentojë situatën aktuale të  tarifave për automjetet e importuara nga Evropa që do të kishin një efekt të madh në kompanitë evropiane të automobilave dhe shumë furnitorë në Shtetet e Bashkuara.

SH.B.A duhet të vendosin deri më 14 nëntor nëse do të vendosin tarifa deri në 25% për automjetet dhe pjesët e importuara nga Evropa, sipas një ligji të njohur si Seksioni 232.

Matt Blunt, i cili drejton një grup tregtar që përfaqëson General Motors, Ford, dhe Fiat Chrysler Automobiles, tha të enjten se grupi mbetet "kundër vendosjes së tarifave të Seksionit 232 për automobila dhe pjesë. Do të ishte i dëmshëm për ekonominë dhe industrinë e automjeteve".

Shtetet e Bashkuara kanë nënshkruar tashmë marrëveshje tregtare me Japoninë dhe Korenë e Jugut që duket se ka të ngjarë të largojnë tarifat e automjeteve me këto dy vende, por bisedimet e saj me BE kanë ecur përpara shumë ngadalë.