Jaguar Land Rover paralajmëron uljen e prodhimit pas Brexit

Dalja e Britanisë së Madhe nga Bashkimi Evropian do të ndikojë që Jaguar Land Rover të ulë prodhimin e veturave. Britania është dashur të del nga Bashkimi Evropian deri më 31 Tetor, por me kërkesën e vet britanezëve, BE e shtyu datën deri më 31 Janar 2020.

“Ulja e prodhimi nënkupton 12 000 vetura më pak të prodhuara “, tha shefi financiar Adrian Mardell, shef financiar në Jaguar Land Rover.  Ndërkohë, megjithëse kishte planifikuar prodhimin e më shumë makinave, kompania britanike do t’i prodhojë vetëm 120 000 makina në këtë tremujor.

Ulja e prodhimit të Jaguar Land Rover vjen pasi kompania ndërmori hapa për të zvogëluar tregtinë në Kinë, veçanërisht pasi pati një humbje prej 3.6 miliardë funte (4.2 miliardë euro) në vitin e fundit financiar. Megjithatë, në dy tremujorët e fundit, fitimet u rritën pasi u ulën kostot, pati një kërkesë më të madhe në tregun e SHBA dhe shitjet u stabilizuan në Kinë.

Jaguar Land Rover ka 3 fabrika për prodhimin e makinave dhe 1 për prodhimin e motorëve në Mbretërinë e Bashkuar, prej të cilave pastaj eksporton në mbarë botën. Nëse pas Brexit më 31 Janar 2020 do të mbyllen përkohësisht fabrikat, kjo do të ndikojë menjëherë

Kryeshefi ekzekutiv i Jaguar, Ralf Speth, ka paralajmëruar më parë se dalja apo marrëveshja e gabuar me për Brexit do t'i kushtojë industrisë së makinave në Mbretërinë e Bashkuar dhjetëra mijëra vende pune. Ndërkohë prodhimi i makinave në Mbretërinë e Bashkuar ka rënë për 16% në nëntë muajt e parë.