Skoda elektrizon modelin e njohur Octavia

Ekspertët e kompanisë Skoda, presin që 30% e shitjeve të gjeneratës së re të modelit ‘Octavia’ të jenë nga modelet elektrike. Për herë të parë, ‘Octavia’ do të ketë modele hibride dhe ‘plug-in hybrid’ për të tërhequr më shumë klientë për shkak të emetimit më të ulët të CO² dhe shpenzimit ekonomik të karburantit.

“Octavia është ikonë e Skoda” tha kryeshefi ekzekutiv i kompanisë Bernhard Maier në prezantimin e gjeneratës së katërt të makinës në Pragë. Ai parashikon që Octavia të mbetet modeli më i shitur i Skoda-s.

Eksporti i Octavia-s përbën 1/40 e eksportit të përgjithshëm të Republikës së Çekisë dhe rëndësinë e kësaj veture për ekonominë e shtetit çek e tregoi edhe prezenca e kryeministrit Andrej Babis në prezantim.