VW rrit shpenzimet e teknologjisë në 60 miliardë euro

Volkswagen Group ka vendosur që të ngritë shpenzimet gjatë pesë viteve të ardhshme në 60 miliardë euro (66 miliardë dollarë) për zhvillimin e automjeteve elektrike dhe teknologjive dixhitale, ndërsa kompania  po tenton të rrisë të hyrat në këtë rënie të industrisë së automjeteve.

“Buxheti i ri pesë-vjeçar shënon një rritje prej rreth 36 përqind krahasuar me planin e mëparshëm të kompanisë”, njoftoi VW përmes një komunikate për media pas një takimi të bordit mbikëqyrës të premten.

Shpenzimet mesatare vjetore në makinat hibride, elektrike dhe dixhitalizimi u rritën në 12 miliardë euro nga 8.8 miliardë euro sa ishin më parë.

"Ne po ecim përpara të vendosur për transformimin e Volkswagen Group dhe jemi duke u përqendruar në investimet e së ardhmes”,  u shpreh presidenti Hans Dieter Poetsch.

VW tha deklaroi se do të rrisë investimet për veturat elektrike me rreth 10% në 33 miliardë euro, ndërsa planifikon të ndërtojë 75 modele të automjeteve elektrike dhe rreth 60 automjete hibride.