Mumbai qyteti më i keq për të vozitur

Rrugët e pashënuara, të pa sinjalizuara, pengesat në rrugë, ndërprerjet e shpeshta të shpejtësisë, vozitësit e padisiplinuar, janë disa nga shkaktarët që  bëjnë njerëzit të mos i nxjerrin makinat në rrugë.  

Sipas një ankete të bërë nga ‘Mister auto’, listës së qyteteve më të këqija në botë për të vozitur i prinë Mumbai (Indi), pasuar nga Karaçi (Pakistan) në vendin e dytë dhe Kalkuta (Indi) në vendin e tretë. Gjendja e trafikut në Indi është aq e tmerrshme sa nga 3 qytetet me trafikun më të keq në botë, 2 qytete janë nga India (Mumbai dhe Kalkuta).

Ndërsa me rezultatin maksimal prej 100 pikëve, qyteti i Calgary-t në Kanada kryeson listën e qyteteve më të mira për të vozitur, i ndjekur nga Dubai në Emiratet e Bashkuara Arabe me 97.87 pikë në vendin e dytë.

Për t’u vlerësuar qytetet më të mira dhe më të këqija, në studim janë përdorur parametrat e3 kategorive të përgjithësi:  infrastruktura, siguria e shpenzimet. Këto kategori përfshijnë faktorë si: numri i veturave për qytet, bllokimi i trafikut, gjendja e rrugëve, transporti publik, kualiteti i ajrit, zemërimi që shkaktohet nga trafiku, çmimi i naftës si dhe taksat vjetore.

10 qytetet më të këqija për të vozitur

Mumbai (Indi), Ulaanbaatar (Mongoli), Kalkuta (Indi), Lagos (Nigeri), Karaçi (Pakistan), Bogota (Kolumbi), Sao Paulo (Brazil), Mexico City (Meksikë), Rio de Janeiro (Brazil), Moska (Russi).

10 qytetet më të mira në botë për të vozitur

Calgary (Kanada), Dubai (Emiratet e Bashkuara Arabe), Otava (Kanada), Bern (Zvicër), El Paso (SHBA), Vancouver (Kanada), Gothenburg (Suedi), Dusseldorf (Gjermani), Basel (Zvicër), Dortmund (Gjermani) .