Një shoferi në Kerala të Indisë i është marrë patent shoferi pasi rrezikoi jetët e pasagjerëve. Sipas raporteve, Zyra rajonale për transport (RTO) ia mori patent shoferin vozitësit për gjashtë muaj, pasi ai i lejoi disa vajza t’i ndërronin shpejtësitë derisa ai po ngiste autobusin.
E gjithë kjo ishte incizuar në një video që fillimisht u postua në faqen 'Open Newser Wayanad News' në Facebook, e që pastaj u bë virale dhe u shpërnda në gjithë botën. Në videon 28 sekondëshe shihen disa vajza të cilat ishin ulur pranë shoferit dhe me instruksionet e tij i ndërronin shpejtësitë e autobusit. Ngasja e një mjeti të madh si autobusi është një detyrë e vështirë e cila kërkon kujdes dhe përgjegjësi shtesë, veçanërisht kur është i mbushur me udhëtarë.
