Audi do të nxjerrë më shumë se 9 vetura elektrike në tregun kinez

Audi do të nxjerrë më shumë se nëntë modele të automjeteve elektrike në Kinë deri në vitin 2021, si pjesë e planit të Volkswagen Group për të përshpejtuar futjen e automjeteve elektrike në vend.

Automjeti i parë elektrik i Audi, ‘e-tron’ veçse është importuar, ndërsa prodhimi lokal i këtij modeli do të fillojë diku vitin tjetër, në fabrikën e ‘Changchun’ të FAW-Volkswagen, një ndërmarrje e përbashkët mes China FAW Group dhe VW Group.

Aktualisht, Audi shet dy modele hibride të veturave në Kinë: versioni ‘plug in’ i A6 sedan dhe versioni ‘plug in’ i Q7 SUV. Ndërsa deri në fund të vitit Audi planifikon t’i importojë edhe tri modele të tjera hibride: Q5, A7 Sportback dhe A8 sedan.

“Numri i automjeteve elektrike në tregun lokal kinez do të tejkalojë 9 vetura deri në vitin 2021, ndërkohë deri në vitin 2025, të gjitha automjetet që shiten në Kinë do të elektrizohen”, deklaruan nga Audi.