Fiat Chrysler Automobiles është duke i tërhequr nga tregu 72,761 automjete Fiat 500 në të gjithë botën për shkak të problemeve me kabllo. “Kur i ekspozohen nxehtësisë dhe lagështisë, kabllot mund të dëmtohen dhe t’ia humbin funksionin edhe ndërruesit të shpejtësive”, u tha në një njoftim të kompanisë.
Tërheqja i prekë 51 788 makina të modelit Fiat 500 të vitit2012-2013 në Shtetet e Bashkuara të Amerikës, 3.520 në Kanada, 6.826 në Meksikë dhe jashtë Amerikës së Veriut.
" Fiat Chrysler Automobiles është në dijeni të tre aksidenteve të vogla që ishin të ndërlidhura potencialisht me defektet, por kompania nuk është në dijeni të ndonjë lëndimi të mundshëm", thuhet në deklaratë.
Ndërruesi i shpejtësisë mund të mos hyjë në shpejtësinë e përzgjedhur, por kompania ka bërë të ditur se do t’i zëvendësojë kabllot që shkaktojnë probleme me ndërrimin e shpejtësive.