Daimler do të shkurtojë të paktën 10,000 vende pune në të gjithë botën gjatë tre viteve të ardhshme. Sikurse kompanitë e tjera, edhe Daimler po i ulë shpenzimet për të investuar në automjetet elektrike, derisa po përballet edhe me një rënie të shitjeve.
Daimler, e cila zotëron brendin e njohur të makinave Mercedes-Benz, njoftoi që do të ulë për 3% fuqinë e punës pasi arriti një marrëveshje me sindikatat e punës. Ky ishte njoftimi i tretë brenda pak javësh për ulje të shpenzimeve nga një prodhues i madh gjerman.
“Në Gjermani, ku janë edhe shumica e punëtorëve të Daimler, kompania do t’ju ofrojë pagesa shtesë (kompensim) për pushim nga puna apo pensionim të parakohshëm”, thuhet në njoftimin e Daimler.
Shkurtimi i vendeve të punës kanë për qëllim të kursejnë më shumë se 1 miliard euro deri në fund të vitit 2022, ndërsa shkurtimet përfshijnë largimin 1100 punëtorëve nga pozitat udhëheqëse apo 10% të menaxhmentit.