Derisa makinat me koncept plotësisht elektrik kanë debutuar qysh vite më parë, duke garuar për dominim në të ardhmen, viti 2019 shënon vitin kur shumë prodhues automjetesh zyrtarisht njoftuan për lansimin e makinave të tyre të para elektrike. Këto janë tetë kompanitë që këtë vit po i transformojnë veturat e tyre në koncept të plotë elektrik:
Lexus: Lexus UX 300e bëri debutimin e tij të premten më 22 Nëntor. ‘Crossover’ i plotë-elektrik pritet të dalë në shitje në Kinë në vitin 2020 dhe në Mbretërinë e Bashkuar më 2021.
Lexus UX 300 E (Foto: AFP Relaxnews)
Ford: Në fillim të këtij muaji, Ford zbuloi automjetin e tij të parë elektrik, i cili gjithashtu është SUV. Modeli Mustang Mach-E do të dalë në shitje në fund të vitit të ardhshëm, por klientët e interesuar mund ta rezervojnë makinën që tani.
Ford Mustang Mach-E (Foto: AFP Relaxnews)
Mazda: Mazda MX-30 e tëra elektrike debutoi në muajin tetor në Motor Show në Tokio. SUV do të dalë në shitje në Evropë në vitin 2020.
Mazda MX-30 (Foto: AFP Relaxnews)
Volvo: Po ashtu, muajin e kaluar Volvo zbuloi veturën e saj të parë elektrike - XC40 Recharge. SUV i vogël do të fillojë transportimin vjeshtën e ardhshme.
Volvo XC40 Recharge (Foto: AFP Relaxnews)
Porsche: Për dallim nga pjesa tjetër e modeleve elektrike, automjeti i parë elektrik i Porsche është një model sportiv. 2020 Taycan tashmë është në dispozicion për ta pororitur.
Porche Taycan (Foto: AFP Relaxnews)
Volkswagen: ID.3 e Volkswagen u zbulua për herë të parë në Frankfurt Motor Show gjatë shtatorit. Megjithëse rezervimet për modelin filluan në muajin maj, dërgesat do të fillojnë tek në mesin e vitit 2020.
Volkswagen ID.3 (Foto: AFP Relaxnews)
Automobili Pininfarina: Pininfarina, gjithashtu u fut në tregun automjeteve elektrike duke zbuluar makinën e parë elektrike Battista gjatë muajit prill. Modeli luksoz do të dalë në treg në vitin 2020.
Pinninfarina Battista (Foto: AFP Relaxnews)
Aston Martin: Ashtu si Pininfarina, edhe Aston Martin debutoi me një veturë sportive luksoze pranverën e kaluar. ‘Rapide E’ doli në shitje në prill ndërsa dërgesat janë parashikuar të bëhen në vitin 2020.
Aston Martin Rapide E (Foto: AFP Relaxnews)
Përderisa prodhuesit e ‘SUV’ dhe ‘crossover’ po tentojnë që të stabilizohen sa më mirë në segmentin e automjeteve elektrike, edhe prodhuesit e automjeteve luksoze po hyjnë në veprim duke e bërë tregun e veturave elektrike një garë të vërtetë.