Bentley lanson një edicion të limituar të Continental GT të ri

Prodhuesi i njohur britanik ‘Bentley’ e ka prezantuar modelin e ri të makinës ‘Continental GT’ për nder të rekordit që kompania e shënoi këtë verë në prodhimin e makinave. Modeli i ri do të jetë një edicion i limituar në vetëm 15 makina të prodhuara, ndërsa makina ka 635 kuaj fuqi W12.

Po ashtu, Shpejtësinë nga 0 deri në 100 kilometra në orë, ‘Continental GT’ e arrin për 3.7 sekonda, ndërsa  shpejtësinë maksimale e ka 333 kilometra në orë. Porositë e këtij modeli do të fillojnë gjatë këtij muaji, ndërsa blerësit do ta kenë mundësinë që ta kenë simbolin ‘100’ për shkak të 100 vjetorit të kompanisë, derisa çmimi i makinës akoma nuk dihet.

Kjo nuk është hera e parë që Bentley bën një edicion të limituar për makinën e saj luksoze ‘Gran Turismo’. Po gjatë këtij viti, kompania lansoi modelin ‘Continental GT Convertible’ dhe ‘Continental GT Number 9 Edition’në kujtim të makinës spektakolare të vitit 1921 ‘Blower No 1’, dhe  motorit ‘Bentley 4.5-liter n°9 engine’ që kishte vendosur rekordin për xhiron më të shpejtë në garën e famshme në Le Mans.