Automjetet elektrike do të përbëjnë çerekun e të gjitha automjeteve të shitura në Kinë

Kina duhet të miratojë një plan i cili do të mundësojë që çereku i shitjes së të gjitha veturave në Kinë, të jenë vetura elektrike, pasi ky sektor po lufton me rënien e shitjeve.

Një projekt-plan për zhvillimin e sektorit të "automjeteve të reja të energjisë", i cili përfshin hibridë dhe automjete plotësisht elektrike, vjen pasi në fillim të këtij viti qeveria e ndali mbështetjen për prodhuesit e automjeteve. Kina është tregu më i madh në botë i veturave elektrike, por shitjet e motorëve elektrikë ranë 34% brenda vitit, sipas Shoqatës Kineze të Prodhuesve të Automjeteve (CAAM).

Projekt-propozimi i Ministrisë së Industrisë dhe Teknologjisë së Informacionit thotë se Kina duhet të sigurohet që një në katër veturave të shitura deri më 2025 të jetë hibrid ose veturë plotësisht elektrike. Këto masa janë marrë që vendi t’i përmbush objektivat e uljes së ndotjes së ajrit dhe për të zvogëluar varësinë e Pekinit nga nafta e importuar. Kina gjithashtu do të vazhdojë të zhvillojë teknologjinë e baterive të automjeteve elektrike, të përmirësojë infrastrukturën për automjetet  me karburant  hidrogjen si dhe makinat pa shofer.