Dimri është një stinë e vështirë që sjellë plot telashe për shoferët e veturave. Pastrimi i borës nga vetura, shkrirja e akullit nga xhami, mjegullimi i xhamave, dorëza e ngrirë e derës, ndërrimi i gomave, janë vetëm disa prej problemeve me të cilat ballafaqohen vozitësit gjatë dimrit.
Ja disa mënyra se si të kaloni sa më lehtë me disa nga problemet me të cilat mund të ballafaqoheni gjatë dimrit.
Ngecja e veturës në borë
Nuk janë të rralla situatat kur veturat ngecin në borë. Duke tentuar të dilni nga bora, rrota vetëm e thellon gropën dhe bëhet edhe më e vështirë dalja nga bora. Në këso situatash, është mirë të mbani një qese me zall, që do t’ju ndihmonte jashtëzakonisht shumë që rrota të mos rrëshqasë e të mos rrotullohet me një në vend.
Xhamat e ngrirë
Padyshim pjesa më e mundimshme për çdo vozitës është që duke u ngutur për të shkuar në punë, ta shohim se janë ngrirë xhamat e veturës. Në këto raste, merrni 1 lugë të gjellës me uthull të mollës, përziejeni me ujë, spërkatni xhamat e veturës dhe pastaj pastrojini ata.
Mjegullimi i xhamave
Mjegullimi i xhamave ndodh kur ajri i ngrohtë dhe i lagësht brenda makinës ndeshet me ajrin e ftohtë jashtë xhamit tuaj. Çizmet me borë, dorëzat e lagura, kafeja qe e merrni me vete në veturë dhe madje edhe frymëmarrja juaj krijojnë lagështi në makinën tuaj. Nëse palltoja apo dorëzat tuaja lagen gjatë pastrimit të veturës, atëherë është më mire që para se të niseni me makinë, t’i fusni ato në bagazh. Evitoni lagështinë, ngroheni motorin para se ta lëshoni nxemjen, mos e riqarkulloni ajrin janë disa prej rekomandimeve për t’i evituar xhamat e mjegullt.
Dorëza e ngrirë e derës
Shpesh ndodhë që në mëngjeset e ftohta të mos mund ta hapim derën e veturës pasi ajo është ngrirë nga i ftohti. Merrni një sterilizues duarsh, spërkatni dorezën e derës, dhe pas 2-3 minutash pastrojeni akullin që tashmë duhet të jetë shkrirë pas spërkatjes.
Ngrirja e pasqyrave anësore
Nodhë që të jemi të kujdesshëm e ta xhamin e përparmë të makinës, por shpesh harrojmë t’i pastrojmë pasqyret anësore. Vetëm pasi të jemi nisur për në destinacion tonë e vërejmë se edhe pasqyrat anësore janë ngrirë dhe kemi harruar t’i pastrojmë ato. Për të mos ndodhur kjo, pasi ta keni parkuar veturën, mbuloni pasqyrat anësore me qese që të mos ngrihen gjatë natës apo në mëngjesin e ftohtë.