Me një ceremoni të organizuar në Gebze/Kocaeli, të premten u prezantua prototipi i parë prodhim vendor i Turqisë.
Prototipi është projektuar dhe zhvilluar nga Grupi i Iniciativës Automobilistike (TOGG) dhe prodhimi i makinës elektrike do të fillojë në vitin 2022. Ndërsa në ceremoninë e prezantimit mori pjesë edhe Presidenti turk Recep Tayyip Erdogan.
“Sot po dëshmojmë një ditë historike për vendin tonë, realizimin e ëndrrës 60-vjeçare. Mbi 100 inxhinierë turq punuan ditë e natë për realizimin e prototipit të automobilit të Turqisë”, tha Erdogan në fjalën e rastit në ceremoni.
Makina, e cila është 100 për qind elektrike do të jetë në dy versione: 300+ dhe 500+ kilometra distancë me një karikim.