Barcelona ndalon qarkullimin e veturave të vjetra gjatë ditës

Qyteti i dytë më i madh në Spanjë, Barcelona, ka vënë ndalesë për qarkullimin e veturave të vjetra gjatë ditës, në mënyrë që ta ulë ndotjen e ajrit.

Veturat me gaz të regjistruara para vitit 2000 dhe veturat ‘diesel’ të para 2006 tani janë ndaluar të qarkullojnë në shumicën e rrugëve të qytetit gjatë ditëve të punës prej orës 07:00 deri 20:00. Të gjithë ata që e shkelin këtë ndalesë do të gjobiten me 100 euro. Ndërsa të gjitha veturat e ndaluara do të lejohen të hyjnë në qytet vetëm 10 herë gjatë tërë vitit.

Ndërkohë vozitësit e veturave të vjetra të regjistruara në shtetet tjera, do të duhet të marrin leje për të hyrë në qytetin e Barcelonës, që është i banuar nga 1.6 milionë banorë.

Rregullat e reja në Spanjë pritet t’i prekin rreth 50 000 automjete në ditë dhe do t’i ulin për 15% emetimet e nitrogjenit dhe dioksidit. Duke filluar nga 2021, akoma më shume mjete që e ndotin ajrin do të ndalohen nga qarkullimi.