FORD ME SUPER VETURË TË RE 400 MIJË DOLLARËSH

Ford GT, versioni post produktiv i të cilit pati premierën evropiane në Sallonin e Automobilave në Gjenevë, do të fillojë prodhimin në fund të vitit 2016.

Në kompani thonë se çmimi i kësaj super veture në tregun amerikan do të jetë në rang me Lamborghina Aventador, i cili në ShBA kushton 397.500 dollarë, transmeton koha.

Detajet për çmimin e Forda GT të ardhshëm serik i ka kumtuar drejtori i repartit për vetura sportive të këtij prodhuesi amerikan Dave Pericek.

 Ai në Gjenevë ka zbuluar se Ford GT dëshiron të mbetet ekskluziv, prandaj prodhimi vjetor i tij do të kufizohet në 250 njësi.

Koncepti i cili për herë të parë është treguar në fillim të vitit 2015, në Panairin e Detroitit, është zhvilluar nga viti 2013, e kompania ia doli ta mbante të fshehtë pothuaj deri në prag të premierës botërore.

 Ford GT ka motorin V6 Twin-Turbo EcoBoost e është me më shumë se 600 kuaj fuqi.

Ford GT paraprak është prodhuar nga viti 2004 deri 2006 e janë prodhuar gjithsej 4.038 copë e në ShBA nga ta janë shitur 3.452 vetura. //rtklive.com