Vozitja e një veture të re apo të përdorur mund të sjellë kënaqësi të jashtëzakonshme për të gjithë, ndërsa për disa njerëz të tjerë, kënaqësi sjellë edhe negocimi i çmimit të veturave. Me këmbëngulje dhe disa përgatitje, ju mund ta blini veturën që e dëshironi pa e stresuar shumë veten dhe pa shpenzuar shuma marramendëse.
Negocimi i çmimit të veturave është prej negocimeve më të vështira që mund të bëhen sot. Shitësit profesionistë të veturave i kryejnë me qindra negocime dhe transaksione, derisa blerësit e bëjnë vetëm një në katër apo pesë vite. Andaj, si blerës, ju duhet t’i dini disa strategji se si të negocioni me shitësit me përvojë.
Fatmirësisht, sot blerësit kanë qasje në të dhënat e veturave si kurrë më parë dhe kanë mënyra më të lehta të bashkëpunimit me përfaqësitë dhe shitësit e makinave.
Si ta negociosh çmimin më të mirë?
- Qëndro i përgatitur – Fillo duke e gjetur veturën e dëshiruar dhe paratë e nevojshme para se të shkosh tek auto sallonet dhe shitësit.
- Pajisu me infomacionet e nevojshme - Mënyra më e fuqishme për të negociuar është që të kesh njohuri për çmimet dhe procesin e blerjes së veturave.
- Gjeji ofertat më të mira – Shiko se çfarë programesh stimuluese ofrojnë prodhuesit për veturat që dëshiron t’i blesh.
- Drejtohu tek agjentët e shitjes – Puno me shumë agjentë shitjesh në mënyrë që ta kuptosh se çfarë duhet të bësh kur të bisedosh me shitësit apo menaxherët e kompanive që shesin vetura.
- Gjeje momentin e duhur – Disa kohë janë më të mira se të tjerat për ta blerë një veturë.
- Kontakto shumë shitës dhe kompani veturash – Kontaktimi i kompanive që shesin vetura apo shitësve privatë nuk do të thotë se duhet t’i vizitoni ata fizikisht.
- Mbaji nën kontroll emocionet – Mos harro, sa më shumë që i mbash nën kontroll emocionet, aq më shumë do të kesh shanse ta përmbyllësh një marrëveshje të mirë.
- Shmangi shpërqendrimet – Çmimi është gjithmonë i pari.
- Negocio çmimin – Njohja e taktikave të negocimit gjithmonë të ndihmon që t’u kundërpërgjigjesh shitësve.
- Përgatitu që të refuzosh – Fuqia më e madhe që mund ta kesh është mundësia që të largohesh dhe ta refuzosh një marrëveshje të keqe.
- Kompletojeni marrëveshjen – Kompletoje transaksionin duke e mbrojtur marrëveshjen e negociuar.
