Vendi më i mirë dhe më i keq për të vozitur në Evropë

Islanda është cilësuar si vendi më i keq në Evropë për të vozitur, ndërsa Gjermania është vendi më i mirë.

Këto vlerësime janë bërë nga ‘Dayinsure’ në bazë të kualitetit të rrugëve, lehtësimeve që ofrojnë ato kur ka shumë qarkullim, shpejtësisë maksimale, sigurisë, gjatësisë së rrugëve si dhe kostos së derivateve. Këto të dhëna kanë qenë kriter i vlerësimit të vozitjes në shtetet evropiane, përjashtuar disa shtete të pazhvilluara të cilat nuk kanë pasur të dhëna të plota rreth rrugëve, e në të cilat bën pjesë edhe Kosova. Ndërkohë, Shqipëria është radhitur në vendin e 35-të, nga 37 shtete sa janë vlerësuar.

Islanda është cilësuar si vendi më i keq për ta vozitur makinën për shkak të numrit më të madh të makinave (në 1 000 njerëz), rrugëve me shumë trafik dhe kostos së lartë të derivateve, ku Islanda radhitet si vendi i dytë më i shtrenjtë sa i përket derivateve. Ndërsa sa i përket sigurisë dhe kualitetit të rrugëve ajo është radhitur nga mesi.

Në anën tjetër, Gjermania radhitet si vendi më i mirë për të vozitur. Gjermania kryeson listën sa i përket shpejtësisë maksimale të vozitjes në autostrada, por po ashtu është në 10 vendet e para edhe për për siguri dhe kualitetit të rrugëve, ndërsa radhitet në 5 vendet e para për gjatësinë e rrugëve.