Kur mund t’i gjeni veturat me çmime më të lira?

Ekziston një legjendë urbane që thotë se do të kursesh para duke e blerë më lirë produktin nëse shkon tek shitësi në mbrëmje gjatë kohës së mbylljes. Njerëzit besojnë se në këto situata, shitësi do të bëjë një ofertë të mirë, në mënyrë që të mos vonohet duke negociuar e të shkojë në shtëpi me kohë.

Kjo më shumë mbetet vetëm një dëshirë e njerëzve se sa një fakt, megjithatë ka disa kohë të caktuara që janë më të mira për të blerë se sa të tjerat. Si shumë biznese, kompanitë e shitjes së veturave kanë qëllime të caktuara sa i arritjes së shitjeve në baza mujore, 3 mujore dhe vjetore. Nëse e gjeni një kompani që akoma nuk i ka përmbushur synimet e shitjes, atëherë do të jeni në gjendje ta siguroni një ofertë shumë të mirë. Kompanitë tentojnë t’i nxisin blerësit duke ofruar ulje çmimesh, bonuse apo bëjnë edhe ndonjë ofertë të veçantë për shembull për blerësin e 100-të. Nëse ju jeni fatlum të qëlloni në numrin e blerësve që kompania ka synuar të shesë, atëherë me të vërtetë do të merrni një ofertë fantastike.  

Urgjenca për t’i arritur synimet e shitjes zakonisht ndodhë në javën e fundit të muajit, javën e fundit të 3 mujorëve, apo gjatë fundit të vitit. Andaj, vëzhgoni me kujdes këto kohë në mënyrë që të gjeni ndonjë ofertë shumë të mirë për të blerë veturë.