Corona virusi nuk i kursen as veturat, por gjëja e mirë është se për ta dezinfektuar enterierin e veturës suaj, duhet t’i keni parasysh vetëm disa gjëra të thjeshta.
Shitjet e produkteve higjienike nëpër supermarkete dhe barnatore tregojnë se dezinfektimi është detyra e parë qytetare për secilin prej nesh në ditët e pandemisë globale Covid-19. Gjithnjë e më shumë fusha të jetës po preken apo të paktën po ndikohen nga lufta kundër virusit dhe rreziqet nga infeksioni. Sigurisht, edhe vetura është njëra prej tyre. Veçanërisht, nëse vetura përdoret nga disa persona, atëherë është tejet e rëndësishme që rregullisht ta dezinfektoni atë.
Megjithatë, mos u shqetësoni ngase nuk është aq e komplikuar sa duket dhe dezinfektimi i brendshëm merr më pak kohë se sa dezinfektimi i pjesës së jashtme të makinës. Rreziku nga infektimi me virusin Corona në thelb vjen nga spërkalat të cilat mund të qëndrojnë në disa sipërfaqe për kohë të caktuar, veçanërisht nëse tiketat e parkingut apo sistemet në pompat e benzinës janë prekur me dorë nga dikush tjetër.
Këto ditë, kompanitë që ofrojnë vetura me qira (rent a car) janë tejet të preokupuara se sa shpesh duhet t’i pastrojnë dhe dezinfektojnë makinat e tyre në mënyrë që t’i ruajnë klientët nga infektimi eventual.