‘Sot thuajse çdo veturë dezinfektohet katër herë më shumë se sa më parë, duke përfshirë pjesën e brendshme’, bëhet e ditur nga Share Now. Për ta mbajtur veturën tuaj sa më të pastër nga mikrobet, vozitësit duhet t’i marrin parasysh disa gjëra.
Pastërtinë që e aplikoni për duart tuaja duhet ta aplikoni edhe tek sipërfaqet që i prekni shpesh me duar sikurse dorëzat e dyerve, timoni, ndërruesi i shpejtësive, ekrani me prekje (touchscreen) ku i rregulloni opsionet e ndryshme të veturës (për ata që kanë makina më të reja), tabela e sinjalizimeve, freni i dorës etj.. Të gjitha këto dhe eventualisht ndonjë sipërfaqe tjetër që e prekni shpesh me duart tuaja duhet t’i pastroni me ndonjë leckë të lagur. Madje edhe sipërfaqet apo objektet që i prekni rrallë si pasqyrja e brendshme dhe ato të jashtme si dhe kapaku i kaburbantit në rastin më të keq mund të jenë transmetues të Covid-19.
Kjo është arsyeja pse edhe kompanitë e automobilave vazhdimisht po bëjnë thirrje që larje të rregullt të duarve. Këshillat tjera të higjienës përfshijnë mbulimin e gojës dhe hundës me faculetë apo bërryl gjatë teshtitjes e assesi në duar. Si kujdes shtesë, ju gjithashtu mund t’i lani duar para dhe pas vozitjes.