Nuk është e rëndësishme që vetëm të pastrohet pjesa e brendshme e veturës, por edhe mënyra se si dhe me çfarë pastrohet ajo, luan një rol shumë të rëndësishëm. Ekspertët sugjerojnë që ta pastroni tërësisht brendinë e automjetit me përbërës që kanë sapun, shkumë apo larës tjerë konvencional, veçanërisht objetet që i prekni shpesh në veturë, sepse kjo e ka efektin mbrojtës të njejtë sikurse larja dhe dezinfektimi i rregullt i duarve.
Përdorimi i leckës së lagur dhe përbërësve të pastrimit me shkumë, sapun, apo përbërësve tjerë konvencional nuk i dëmton sipërfaqet e brendshme të veturë. Por nëse i përdorni dezinfektuesit dhe kimikatet me forcë dhe në mënyrë të vrazhdë, atëherë edhe mund t’i dëmtoni sipërfaqet e brendshme të veturës. Sidoqoftë është e rëndësishme të dihet se një pastrim i tillë nuk e zëvendëson pastrimin e rregullt të brendshëm.
Higjiena në automjetin tuaj nuk duhet të jetë brengë vetëm gjatë kohës së pandemisë për t’i kaluar këta muaj shëndetshëm, por gjithmonë duhet kushtuar kujdes pastërtisë. Mesatarisht, 107 mikrobe të ndryshme për centimetër katror mund të qëndrojnë në timonin e një automjeti. Shumica e tyre nuk janë të dëmshëm, por jo për të gjithë, andaj kujdesi gjithmonë është i kërkuar.
