97.9% e kamionëve të regjistruar gjatë vitit 2019 ishin me naftë


97.9% e kamionëve të regjistruar gjatë vitit 2019 ishin me naftë

Në vitin 2019,97.9% e të gjithë kamionëve të mesëm dhe të rëndë (mbi 3.5 tonë) të regjistruar në Unionin Evropian ishin me naftë, ndërsa vetëm 0.1% me benzinë.

Ata elektikë që mbushen përbëjnë vetëm 0.2% të kamionëve të rinj të shitur në tërë regjionin, derisa kamionët me energji alternative (APV) përbëjnë 2% të tregut të Bashkimit Evropian.

Krahasuar me vitin 2018, në vitin e kaluar, numri i kamionëve me naftë u rrit për 3.5% në Unionin, duke arritur shifrën në 361,135. Me përjashtim të Italisë që pati rënie -9.5%, kërkesa për automjete me naftë u rrit në të gjitha tregjet e mëdha të Evropës: Mbretërinë e Bashkuar (+10.2%), Gjermiani (+3.2%), Francë (0.8%) dhe Spanjë (0.3%). Një kontrast i madh ishte sa i përket kamionëve me benzinë, duke u regjistruar vetëm 227 sosh në gjithë regjionin EU28 gjatë vitit 2019.

Ndërkohë, më 2019, kërkesa për automjete elektrike u rrit për 109.2% në gjithë Evropën, duke e rritur numrin nga 357 kamionë të regjistruar gjatë 2018 në 747 kamionë gjatë vitit 2019. Kjo rezultoi me 0.2% shtrirje në tregun evropian. Tregu kryesor i këtyre kamionëve ishin Gjermania (608 copë), Holanda (76) dhe Franca (24), të cilat së bashku përbëjnë 95% të tregut evropian.

Ndërsa automjetet hibride elektrike (HEV) patën një numër të vogël shitjesh gjatë vitit 2019, krahasuar me vitin paraprak.  272 kamionë hibridë elektrikë u regjistruan vitin e kaluar që rezultoi me rënie prej 10.8% krahasuar me vitin 2018.

Ndërkohë regjistrimi i kamionëve me energji alternative u rrit për 71% apo gjithsej 6,371 kamionë, 98% të të cilëve ishin me gas natyral (NGV), derisa Franca, Italia dhe Gjermania ishin tregjet më të mëdha të këtyre kamionëve.

Shpërndaje:

Veturat në shitje